IM DINYO DI SIĞİ PURE

Im dınyo dı sıği pure, Nunış sığo beşə odəm. Roonış dı teği pure, Dınyo dardi kəşə odəm. Duston tıku diyərodən, Yodo bekardəşone tın. Əvon bəştı tənoəti, Bəçand həvatəşone tın? Iştə dovnə sıği bığand, Osmonədə nəvə odəm. Ha ruj mışti dard peşandə, Da şələ dard dıvə odəm. Im dınyo dı sıği pure. Ve mənəv, lınqon bəxəve. Lınq bə i kəno bımandi, Bəboliş, dılən bətəve. Ve sanqinebən dınyo sığ, Dınyo dardi kəşə odəm. Dılış sutə, vəşə odəm. Nunış sığo beşə odəm. Im dınyo dı sıği pure.