QƏSİDƏ

Ziz kardə sərıştım bənə bandon qılə honi, Boy, təşnəş əqər, boy bıçəş ın çəşmə si coni. Çəş vi bıkə ıştəndə bəvindeş Xıdo naxşon, Çəş o bıkə, harcoy bə qəpe əv de nışoni. Dınyo piyeku doğ bəbuş, aşığ əzıniş be, Niç vində, obırnon məqər işkil bə ğəboni? In dınyo, zəmonə çəvədəş kəynə perosniə, Ros ni, votedən: dınyo oqordındə zəmoni. Əv korpətijo nışde bə Peyğəmbəri am- duş. Qonış kəşə bə sıft dı Peyğəmbəri qoni. Məkkəş Xıdo dəy sıftə qofeş kardə bə korpə, Dəy haştə zəmin-osmoni, porsanqi, mizoni. Zərbəş bə peşış haştebu çanəndə ibadət Başmard esə, çanənde nomojış de əzoni. Conış sə Xıdo deşmeniku əy de ğılıncon, Ğoymış bə dasış sə çı duston dıl de zıvoni. Dısəy məjənı qəp, dısəye çəy qətə şımşi, Coni jıqo zındəş ki, bəroxneş de hosoni? Əy zındənibuş bəs çoko Peyğəmbəri zındəş, Bın elmi-şəhər hiç ğəzi əy kəybə ni, ro ni! Şahon kə bəke, az əçəy osmoni pərəndəm, Lonəm çımı barze, ədənim lonə bə loni! Votdəş tı, əli çiçbe, qıləy pıştə kuməş bə? Noşiş, çı qəvon ov şedə bo kandulə şoni. Vallah, əzıniş hiç Əli ıştən çı Ğırone, Çanəndə bəhandoş tı qirəm ıştə Ğıroni. Ya rəb, az əqətnim ğəyzi əy, hiç kəsi dovnə, Daston çımınən hiç çe Əli dovnəku co ni. Təyli əv oqordındəni, deşmen bıbu, ya dust, Xilqət, bışi çəyku tı bısən ıştə dəmoni.