BI TOLIŞƏ BANDONƏDƏ

Amburədo kəş okardə, Bə soqnə odəm vankardə. Meşon kandulo za kardə Bı Tolışə bandonədə. Kerdə çardə ə həkıtə, Şınbıri bandış eqətə. Ovəyzi ruyonış qətə Bı Tolışə bandonədə. Qurşaki tojəş oğandə, Reçinon olət peğandə. Botıno səlom vığandə Bı Tolışə bandonədə. Va voə rəsə de bə zono, Kinon rəsən bənə əno. Dılım larzdə ha botıno Bı Tolışə bandonədə. Halonədə nəvdən bızon, Pəvəndiyon bənə dızdon Nəvedən hey honiə rizon Bı Tolışə bandonədə.