BƏ TOLIŞİ QƏP BIJƏN

Tırkiyədə mahni bahand, Bə urusi dıjmon bığand, Bə ərəbi ğiblə bımand, Har zıvoni təmi diəkə. Bə tolışi sıxan bıkə. Çı zıvonon ən şini əv, Behuş kardedə mıni əv. Co zıvoni hiç koyım ni. Şine, vallah, bənəy şəkə. Bə tolışi sıxan bıkə. Ki zındəni əv bəbole, Zınəkəson ve həlole. Ivrə Tolışi məhole. Ğudurəti iyo məkə, Bə tolışi sıxan bıkə. Sadıx, yoddə oqət ımi. Zıvonnıpi moəj əpini. Dumlıştədə merd əbıni. Çı tarixi pencə okə, Bə tolışi sıxan bıkə.