AZ DARDİ ŞAİRİM

Vote, “ıştı şeiron boçi ğəmqinin, Vəse, də xıfəti məkışt əməni.“ Tınən jaqo məvot, xanım, əmone, Az dardi şairim, sinəm poroşe. Votşone ın jimon har şesə şine, Dınyo şinə dınyoy, lap anqivine. Çımı çəyko vindəy zulmi-zəmine, Bə dılim ğəməş jəy, əvi bırişe. In jimonədə jiəy ve yolə darde, Vindəş ruji i kəs infakt be, marde, Kəsiy nun nızıno ləvəy si harde, Dınyo cənnət bıbo əvi çıroşe?! Hıqo bə odəmi ğəzo səhıtı, Kələ zoəy lozim ıştə oğətı. Tale əmon nıdo, Mərasim, bətı, Tı ijən devriko qırəy-qırişe.