TƏMSİL

Suki diəş kay bə kaqion, pərəy nışte kındəsə, Vote: azim çıvrə şef, xokon bıbu bəşmə sə. I kərə az bıhandom, həmə dınyo bəlarze, De filiən az canq bıkam, lınqi bənom xırtəsə. Sıpə ımi məseədə, vote: tıni bəcuem az! Nabəna har ko zındəm, jıqo bızın falçim az. Ponzə sutka qombaxte ıştı vırə, bızın tı, Çand vaxte dave kardəm, ıştənən ki topçim az. Kəse vote: hastedon hədər hədəri mıni, Ki bəştə merd votedə, davekə de erməni. Rıvos kaqon bardedə, neçi pəson hardedə. Ənə nohəx ko qətdon, konco bıznom şıməni. Ikərəti ovədə kəlləş bekay iqlə moy, Vindəşe ki, siyo şəğol vəştə piçati ve şoy. Vote: həyf ki, dastım ni, ğıryət mıni kıştedə. Həmə boştə perıtdon, ım şıməku çoknə koy? Şiri şəğol kıştedə, vığandə bə cəhəndom, Şımə ğəbi az ıştən bın ovədə bıkandom. Şəğol bəpe bənə mı bın ovədə moy bəbəy, Az bışum de İlqari Ğərəboğdə bımandom.