Azizə moə zıvon…

Azizə moə zıvon, Çı kinə, zoə zıvon, Iştəsəm ve piedə, Tınış Xıdo doə zıvon. Azizə xosə məhol, Çı vıli zizə məhol, Betı jiye əzınim, Hiç bəbe çımı əfol. Əzəlo yolə zıvon, Vılə, zizəynə zıvon, Çı xose, tınmon heste, Tolışi yolə zıvon. Çimənon vıl okardə, Kəvşənon havzə zardə, Betı i rujım nıbe, Zardəbığ betı mardə. Azizə, barzə bandon, Vişonış havzə bandon, Fikım hejo şıməsəy, Kardedəm nozə, bandon. Xosəli, şinə balon, Obıbən bənə vılon Bahandən ıştə dərson, Nənə bəşımə ğıbon!