BƏŞTƏ YOD BİYƏ Ə RUJON

Əvəsorbe, bətı gıləy vılım doy, Bə yod biyə, bə yod biyə ə rujon. Də vıli ivrədə bətı dılım doy, Bə yod biyə, bə yod biyə ə rujon. Az ki botı astova bim, həşi bim, Bənəy orzu bəştı hanon dəşəbim, Iştı çəşdə lap bə honi oxşəbim, Bə yod biyə, bə yod biyə ə rujon. Iştı yoddəy, bılbıl mahne handyədə? Çəmə orzuon vənəşəbin bandədə, Çəşə arson dimi səpe mandyədə, Bə yod biyə, bə yod biyə ə rujon. Həni diye, bomı mande əziniş Dışmen ğoyme, əy oğande əziniş, Tı ki, mıni həni vinde əzıniş, Bə yod biyə, bə yod biyə ə rujon.