YODO BEKARDE

Xido, tı ın xəlğı tolış xəlğ karde, Əmənı de nomi bə dınyo varde. Fələki çəməku dimış dəqarde, Tı boçi əmənı yodo bekarde? Qavarən ən yolə qıno çəməne, Rişəku diəro be bino çəməne. Əmə votedəmon Xıdo dəməne, Tı boçi əmənı yodo bekarde? Dardonım çı dınyo bandonsə barze, Moə zıvoni zıne ha merdi ğarze. Nokəson vindeədə dılım bəlarze, Tı boçi əmənı yodo bekarde? Qardəyon vey be- be, puç dəvardedə, Moəku bedə tolış, manqurt mardedə. Azər de ğələmi cihod kardedə, Tı boçi əmənı yodo bekarde?