Kardedə aşığ hejo nolə, fəğon, mandedəni…

Kardedə aşığ hejo nolə, fəğon, mandedəni, Əve ki, dardı ğəmış dıldə niyon mandedəni. Məşi, conon, betı az çoknə bıjim, umr bıkəm?! Omedə ıştı dumo, cismədə con mandedəni. Məvot aşığ tı bə Fərhodi, nışonış mandə, Aşıği hiç vırədə nomı nışon mandedəni. Vardəm ım dılsutə dardon bə zıvon kom vaxt az, Qətedə vəş, sutedə, qəvdə zıvon mandedəni. Kardedən həsrəti zulmon, mu siyo, ğaməti şat, Bedə rə vaxtisə pi-pışk, cıvon mandedəni. Zındəni aşığiro çorə, dəvo karde həkim, Kardəni xəyr, həni dınyodə dəmon mandedəni.