Dəmı, ha dılbə, bınəv kəşbəkəş eşği çəməni…

Dəmı, ha dılbə, bınəv kəşbəkəş eşği çəməni, Botəmon: -»Vəsle çəmə, mıhnəti-hicron çəmə ni». Eşği osmonədə çı həsrəti avon hestin, Toyke har ton, hələ vəsli həşi, ey məh, pemə ni. Ime ğanun ki, har aşığ bə kəs əlbət bəbəme, Ki votey bəzne bomı:-»Kom qılə aşığ bəmə ni?!» Tı bızın, ıştı mijon yarə jedən bəçmı dıli, Bı dıli yarə əjən nizə, ğılınc ni, ğəmə ni. Hələ hicroni səye ım, çımi oxoy mandə, Eşği ro xəyli dıroze, həni penc-şaş qəmə ni. Vəsli orzu əkə aşığ bəpe hicron bıkəşo, Həsrəti, hicri ğəmonko əsil aşığ rəmə ni. Bənə mı eşğədə, Azər, bəni ğəmkəş həni hiç, Jıqo bo həsrəti dardon kəşe hiç kəs çamə ni.