Dardi otəş sutedə ım dıli, ha dılbə, bırəs…

Dardi otəş sutedə ım dıli, ha dılbə, bırəs, Kardedəm nolə ğəmon dastiko, ım nolə bıməs. Tı vıliş, bılbılim azən ki, eqınyəm du tıko, Zəmin, osmon betı, ha vıl, bə bomı qırd ğəfəs. Jəydəm az nolə ki, dıldo bızıno vey çımı dard, Әy zınəşni hələ, ım nolə nıka anədə vəs. Otəşine çımı nolə, bedə har kəs mıko du, Boy tı, ha nozinə yo, mandəm oxo yali, bekəs. Kardedən dəbmı, ey Azər, ve kəson nolədə canq, Yolə ustodinə hampo əbıni har nuperəs.