Pərvonə bəbe poş, şəmi sə qarde bəpeştə…

Pərvonə bəbe poş, şəmi sə qarde bəpeştə, Bə yari dimi aşığ imon varde bəpeştə. Cəh – cəh bəje bılbıl, ğəminə nəğmə bahande, Vıl deşdə bu ağli çe sədə barde bəpeştə. Hiç keynə dılış şo əbıni dardiku, aşığ, Fəryod bəkay əv ruj bə şəvi qarde bəpeştə. Aşığ, bədənış lod bəbe, dim zard bəbe, dıl xun, Hiççi əhəni, yari ğəmi harde bəpeştə. Dıl, das məkəş hiç kəynə Əli royku, məqard tı, İnson bedə kofir həxiku qarde bəpeştə. Sırvonyəşe mı, bəşdə Xıdo şat nıbə inson, Dınyo əçe peşdi dığatə karde bəpeştə. Bandoj, bıkə bo xəlğiro xidmət çanə hıstiş, Ruj boy, boto rəhmət bəvoten marde bəpeştə.