ĞƏZƏLON

Bətı vey şukr Xıdo, çok, xosə xilqət ofəyə, Bəməno ali kəson həm yolə hikmət ofəyə. Bəməro şən oqətən rostə rizon dəy bışəmon, Ali Peyğəmbəri pok ruşnədə rəhmət ofəyə. Iştı dardı yolebu, heç tı məzın əy besəbəb. Boçiyo şəv bəmə ovşum əve zılmət ofəyə. Çanə qəştən bıkəmon dınyo, ni xoşbəxtə vırə. Iştə har bandə dılı boştəro həsrət ofəyə. Zındəmon ki, Xıdo, çanəndə tı har bəndə pidə. Jiyə har dıldə qıləy eşği-məhəbbət ofəyə. Xıdo aləm, təbiət həm odəmon doydə nışo, Çəy ovəynən, bəmə har zərrədə ayət ofəyə. Ve nığıl hikməti dərya, kitobon inci sədəf, Obəka har qılə Aytən, bəyo sərvət ofəyə.