BIBAXŞ

Tıni xoşbəxt karde ğəssəmım harde, Tınən ıştə dılı bəmı asparde, Tavzıdə məhəbbət həm xəlği darde, Dılım, bətı bəfo nıkardom, bıbaxş. Çoknə ki, bə dınyo çəşım okarde, Rostə riyə səpe hejo rom karde, Həxiro aki-xun, xəyli rum karde, Qirəm vıjnə royku nıqardom, bıbaxş. Epuşte zındənim çəş bə nohəxi, Pidəme bıqordnom jimoni çəxi, Rozim ki, bıhıtom bənə dustoği, Bə nohəxi beyyət nıvardom, bıbaxş. Az ki, sığə band nim, conım oson ni, Həxiro canq karde qone, hoston ni, Kəynəsə be ıştə oqətom tıni, Ov bıbom bı roysə, bımardom, bıbaxş.