ÇƏMƏKU ÇI RƏ EŞİŞ

(Bo Soltan boli) Çəmə pı-mo əvəzbiş tı, Şinə umri həvəsbiş tı. Xıdo baxşə nəfəsbiş tı... Tı çəməku çı rə esiş? Bəmə təhsil, sənətı doy, Bəmə nun doy, miknətı doy! Rohət jiyro ğıvvətı doy... Tı çəməku çı rə esiş? Bəştə eli layığınbiş, Sinə yarə, dıl doğinbiş. Batxunə zoə soəxinbiş... Tı çəməku çe rə esiş? Çe ki heste bənə tı bo? Quşonədəm ıştı sədo. Dılım betı bedəni şo... Tı çəməku çı rə esiş? Vanq kardəmon, hay doydəniş, Hiç bə çəmə çəş çidəniş, Bə so, bə kə omedəniş... Tı çəməku çı rə esiş? Ujən oməymon ğəbisə, Ru be çəşə arsi resə, Poşbe çəmə ciqəri sə... Tı çəməku çı rə esiş?