BOŞTI ÇƏŞON

Şanqo nıhıtomən dılə dojonku, Bıznəmon dıyo to dardım kəşəme. Iştı lıputonku, ıştı çəşonku, İjən ləzzət bədo dardi peşıme. Az boştı çəşono noxəşim oxo, Az boştı çəşono şeir nıvışdəm. Iştı votəyonku, boştəyo jıqo, Iştəni botıno hədərə kışdəm? Tı çoko novındəş ə sığə dıli? Hejo dəvardedəş mıku itonə. İ lısqə omdəni bomı bəboli, Oxo jıqo nəbe, divojə kinə. İjən dardi bıdə ıştə çəşiku, Oxo, zınedəş ki, şine bomıno. Az tıni, az tıni vində rujiku, Dardiku co nəve qone bomıno. Şanqo nıhıtomən dıli dojonku, Bıznəmon dınyo to dardım kəşəme. Iştı lıputonku, ıştı çəşonku, İjən ləzzət bədo dardi peşıme.