AVƏ

Bənəy sipyə xonçə çiydəş, Çəmə bandon sədə, avə! Kavuon qətə qəv bə həvo, Bəvon şıği şodə, avə! Oxşedə bə panbə şələ, Çəğın bedə pəsə qələ! Mol lıştəsə ıştə balə, Kali jəqo bedə avə! Çiçe avə, əvən ove, Bə zəmini həşi tove, Rost be həşiş edoy, əve.., Çəyku xısos səydə avə! Osmonədə kali şəvon, Pulək-pulək bedən avon! Iştı tono bə astovon, Bənəy zizə çiydə, avə! Çəmə məxloğ zəhmətkəşe, Tasbəy zəmin, həşi beşe, Ak rukarde, ələtəşe, Boy əvoni edə, avə!