IN KİNƏ KİY OMEDƏ
In kinə kiy omedə,
Ome-ome handedə,
Diə kardə jıqo-jəqo,
Bə bılbıli mandedə.
Ovə bızək duşədə,
Quşuvə çəy quşədə,
Cı ğəşənqe ın kinə,
Bənəy həşi vəşedə.
Votıme: xosə kinə,
Tınım vindəme zinə,
Pidəme botı dəynə,
Bıvgandom bo maşkinə.
Votışe, bəmı diəkə,
In sıxanon boy səkə,
Az ve sırpuşə kinəm,
Bəmı pearış məkə.
Votıme, bənəy ğəndiş,
Votışe, həmə fəndiş;
Votıme: cımı dıliş,
Sırəy, vote: bıvgandiş.
Fuentes
Antología de poesía talysh (2021), 126–127. ISBN 978-9952-28-569-7.