ÇƏMƏ XIDO TOHİDE

Çəmə xıdo Tohide, “Fitir” ve yolə ide, Mısılmonon i bıbun – Çımı orzu-umude. Im oxonnə rujə nıbu, Həmmə dıl ve şo bıbu, Dınyodə bəşmə bukə Bıqıno cənnəti bu. Rujə oməy ijən şe, Im idən omə, bəşe. Ve fəğır ısə mandə, Çı fıtrə roy bəcəşe. Xıdo həmmə oqəto. Dışmenon qıy eqəto. Çı mısılmonon səyku Dardı-bəlo peqəto. Mərqədi, fikir bıkə, Sıxani dıroz məkə, Əhli-beyt piyəkəson Dıvo bıkə, rə səkə.