ƏVƏSORE

Martə manqe, martə manqe, Vılon obə ranqbəranqe. Həmə bə kon, həmə canqe Əvəsore, əvəsore. Pərısdıle omə beşe, Çı xos obə vıl-vənəşə. Kavuə çıxo təka vişə, Əvəsore, əvəsore. Zımıstoni xıre-xıre, Avəhuən tıre-tıre, Kulok voydə şıre-şıre Əvəsore, əvəsore. Bılbıl, kəlu çı şin handə, Çəvon sədo dıl okardə. Həşyə ruji kulok voydə, Əvəsore, əvəsore. Əyuə doon zizə kardə, Jəqo bızın va ekardə. Ənoə doon sı okardə Əvəsore, əvəsore. Barzə bandon va ov bedə, Ru, kəşonən sel ov bedə, Həvo gah sard, gah obedə Əvəsore, əvəsore. Çəş onıbə ruji hələ, Pəsəvonon pəsə qələ, Qıyə bardən balə-balə, Əvəsore, əvəsore. Tolışə bandon kavu- kavu, Co aləmə livan obu, Çəmə məhol cənnət bəbu? Əvəsore, əvəsore.