HA DINYO BOY MINİ BIHOR

Tıni qıləy osyom zındə Ha dınyo boy mıni bıhor. Çokim vində, puçım vində, Ha dınyo, boy mıni bıhor. Vindedəm ki, puçe jimon, Beşən çı ro lap odəmon, Umrum sutdə, dod, əl-əmon! Ha dınyo, boy mıni bıhor. Orzum heste şələ-şələ, Bə vırə rəsənin hələ. Eqınyə bə dıl vəlvələ, Ha dınyo, boy mıni bıhor. Ruşnə dınyo bəxtə-bəxte, Bo Şamirzə ro kə raxte. Jıqo zındəm həni vaxte, Ha dınyo, boy mıni bıhor.