JIQOŞON VOTƏ YOLON

Taməşon kay bə moli, Kinəşon doy bə loli. Təvə məjən bə xoli, Jıqoşon votə yolon. De qəm-qəmi po bəbe, Tılə-tılə ru bəbe. Viyə xıçə saru bəbe, Jıqoşon votə yolon. Duşə molon bəməku, Həvatə mos şıməku. Dastioş bəj kenəku? Jıqoşon votə yolon. Keçə-keçə vardedə, De çamçə baxş kardedə. Həvoyə nun hardedə, Jıqoşon votə yolon. Noxəş bıqın bomıro, Bəmardem az botıro. Çiç bəbe çı lodıro? Jıqoşon votə yolon. Kaşte kardışe neqo, Bə xəmən oməy: ho... ho! Ostor dımisən bıho, Jıqoşon votə yolon. Tı ko bıkə, ko bıkə, Boy tənbələti məkə. Çəy bəpeşt qəvi okə, Jıqoşon votə yolon.