VƏTƏN

Iştı nom ozize çəmə dılədə, Çəmə damərədə ıştı xune hest. Iştı zəminədə, ıştı xokədə Sardınə ove hest, tatə nune hest. Iştı kəromotin ocəğon, tıbon, Çəmə dılonədə vitə xokij tı. Bəştı aləfonən, vılonən ğıbon, Ğəşəngij, reçinij, sofij, pokij tı. Hejo çaşmon mandə eşği comədə, Deştı okardə ron pıydəmon əmə. Çəmə dılon jəydən ıştı nomədə Deştı möhhübbəti jiydəmon əmə. Çı honi ovisən ruşinə vətən, Boçəmə dardonro tınij bə damon. Tı çəmə jimonij ha şinə vətən Əmə tıni yodo benibəkamon. Diənjon sıredə dıvə hionən, Vişon livon emən, dardədə ginin. Iştı qəzənonən, çəxə tionən, Tiəynə kulonən bomə şinin.