DOD ƏMON

Tinən mıku qıno məvind, əmone. Jiyedəmon ve ğəlizə zəmone. Hukmət çəvon, devron çəvone. Mərdon mıhtoc bə nomerdi, dod əmon. Həx bəkəson mot mandə bə nohəxon Şəğol hiçe ım mandedə dəvəxon. Bo milləti ruj bəmedə beməxon. Mərdon mıhtoc bə nomerdi, dod əmon. Kosib ıştə kədə kırtə zıvone. Çı fəğıri dardış veye, qıvone. Im çı darde, dard ni dədə divone. Mərdon mıhtoc bə nomerdi, dod əmon. Rufət, çıyon dasto səmə nəvedəm. Bəjyə mardəm, diyə məkə lıvedəm. Iştən sutdəm, dılım sutdə, təvedəm. Mərdon mıhtoc bə nomerdi, dod əmon.