İYƏNDI DIŞMENİMON

İmon bə nav bışu çəy, lınqi jiyo kandəmon. Nımandə qəp votdə bəy, nımandə şər ğandəmon. Qəvo beşə sıxani bə tərsinə famdəmon. Jıqo tolış bedəni. Məvot tolışonimon. Bəmə dışmen lozim ni. İyəndı dışmenimon. Tarixi ən ğədimi, boli, bıznən çəməne. Zıvonon ən şah əsər boli, bıznən çəməne. Çı milləti, çı xəlği umi bıznən bəməne. De cur dıli, de hınə əmə çıknə sonimon? Bəmə dışmen lozim ni. İyəndı dışmenimon. Həxə sıxani bıvtən. Hiç vırədə lol məbən. Ve ğədimə rişəmon hışkə rişə, xol məbən. Bo milləti ruj bəmə ğıryətinə yol bıbən. Bıdə nıvoton bəmə Əmə besəyvonimon Bəmə dışmen lozim ni. İyəndı dışmenimon. Sofə moyə nıbəkəs. həmə zındə, bic bəbe. İ nibəmonbu çanə oxoymonən hiç bəbe. Rufət, tı çiç votedəj? Çı kon oxoy çiç bəbe? Vallah, mandəm az mətəl, Əmə jıləvonimon? Bəmə dışmen lozim ni. İyəndı dışmenimon.