ÇIMI ZIVON, TOLIŞƏ ZIVON

Çə əsrunku omə beşə, Tarixədəş hese rişə, Jığo sofe, bənə şişə, Çımı zıvon, Tolışə zıvon. Çəmənədə qıley vıle Həm aşığe, həm bılbıle Diyəro məşən, çımı dıle Çımı zıvon, Tolışə zıvon. Bəvi bağlım, dıliku ve, Be bəy çımı rujən şəve, Çımı nənə zıvon əve, Çımı zıvon, Tolışə zıvon. Im çı hikmət, ım çı sıre, Həm ocağe, həmən pire, Dasdə zuye, linqdə qire, Çımı zıvon, Tolışə zıvon. Çəşi şudə qıle zənde, Bəşdə əsli, rişə bənde, Jığo şine, jığo ğənde Çımı zıvon, Tolışə zıvon. Jığo zıvon bıvtən, bəye, Çımı rujən, şəvən dəye, Çı Rabitə coni puəye, Çımı zıvon, Tolışə zıvon.