PİDƏNİ

Bedənış tı bəmı yo? Tı bəmı yo be pidəni? Doə bəmı ın coəti, Həni mıku səy pidəni. Ve şiniş, ve reçiniş, Ve kəsonən dıldə tıniş. Qasbu si bəş, çı vəyonku, Çımı eşğı ve pidəni? Az tıni vində rujiku Tı dəşəş bə çımı dıl. Əve jidəş dıli sədə, Kəşonsə jiye pidəni? Iştı piəy çımı çəşi, Iştı çəş çımı poş qətə. Bəs tı ıştən bıvot, boçi Dastonım qəte pidəni? Vəşədılim, çımı piyəy Barzə bandon avonkuyən, Tı meylı dənoə bə ji, Pidəni ki, pidəni!