BIKƏŞ IŞTƏ ĞƏLYONİ

Çı vicdoni vanq ıme, Həxi yolə canq ıme, Bıvot bədə hanqome, Vıjorədə xıyo ni, Məkəş milləti ğəmi, Bıkəş ıştə ğəlyoni. Həmə bımen bə vəşi, İqlə tı bə nav dəşi. Bınışt bə maşin, bışi, Bınəv Boku,Səlyoni, Məkəş milləti ğəmi, Bıkəş ıştə ğəlyoni. Ars eməkə yurdiro, Bışi kəbob hardero. Xəlqi dardi bardero Xıdo tı ofayə ni, Məkəş milləti ğəmi, Bıkəş ıştə ğəlyoni. Boy ğələmi ləs bıkə, Tı ıştəni pəs bıkə, Zırno məjən,vəs bıkə, Bi həyvoni həyo ni, Məkəş milləti ğəmi, Bıkəş ıştə ğəlyoni.