Çiçım hıstesə, əzizım, botono ğıbon bakardem…

Çiçım hıstesə, əzizım, botono ğıbon bakardem, Botono nəfəs bəsım az, botono jimon bəkardem. Bənə pərvanə bəqardem ıştı qırdiku dı eşqi, Votedən sute ve zulme, çətine- oson bakardem. «Tı çımı de eşqi ləbriz bə dıliş», «vıliş çəməndə»- Joğo nozə karde-karde az imi bəyon bəkardem. Çımı kim hıste ğərəz tı, ha çımı Zuleyxo bənzər, Boto Yusif bəbem əncəx, tini az cıvon bəkardem. Bəmı saru ome vaxtdə ğədəmon mənə zəmində, Obəğandem ıştə çəşton ro səpe tımon bəkardem.