VƏYU VARDƏN BƏ ÇƏMƏ Dİ

Vəyu vardan bə çəmə di, de hay-hayi, de dəpi ,de «Halay”i. «Ha boli pəvəndi, lap bənə ğəndi”... Vəyu vardan bə çəmə di, de hodi-hodi, de ityoti. «Xıdom”, «Xıdom” sədo jiədə Vəyu rost bedə de sırdi. Vəyu vardan bə çəmə di. Vəyu səpe sıə şole, sıə şoli jiədə qıləy sırre... Hırdənon qıləyni piyəşe bızını ım çı sırre. Şoli jiyo erəxəy, Ani həx be, peşı sırəy. “ Cik”ış karde, jəşe çəkkə. Iştənış şodoe bə nənə və, Qucış karde əcəy qıy dimış dəsuyəy bəçəy dimi. – Nənə, çəmə vəyu reçine? – Ha bala, ha!.. Reçine, xanıme!