MAHAŞT

Ha ruj maştəvo beşedəm hağədə, Niyon bedəm boştı vinde toğədə, Bənə bılbıli handedəj boğədə, Bıdə dastı,bınəvəmon çiməni, Mahaşt dəşu bə arə şəyton həni. Siyo çəşon bənə piyolə obə, Dimə kukon çı osmoni astobə, Sıvoy tı, sə vılım nime əy tobə, Çabom bə sə,məkə pərişon mıni, Mahaşt dəşu bə arə şəyton həni. Nə şəv,nə ruj,beşedənij çı yodo, Quşonım vanqisəy bo ıştı sədo, Bıbuj rozi,elçi bəğandem Dodo, Xıdo hərəbaxt bəkarde əməni, Mahaşt dəşu bə arə şəyton həni. Tıni vindeku,han bə mij dəşdəni, Dıli pır-pıre ivrədə nışdəni, Məvot dıldə şəyton hesde,haştəni, Səkə həni,mənə bə noz ıştəni, Mahaşt dəşu bə arə şəyton həni. Bışi xəbə bıdə bəşdə pə-moə, Çımı dardiku mardedə ə zoə, Nıdan tıni,bəbe çımı dıl poə, Bışi,çənə həşi çaşıj eşəni, Mahaşt dəşu bə arə şəyton həni. Çənə bənəvemon i yəndıku co, İ bıbəmon, Xıdo bəje xəyə vo, Marışt dıli,bıkə mıni boy tı şo, Boy bıbəmon bə yəndı mehmon həni, Mahaşt dəşu bə arə şəyton həni.