BOY BƏ MƏHOL

Vonə qətə şəj məholo, Be xəbəş çı pə-mo holo, Kardə çəvon dınyo vılo, Çoknə qətdəş vəğın ğərol, Boy şinə bo,boy bə məhol. Oqətə çaş bə ro həmə, Moə ku bə,ənə bəmə, Vılo bedə çəmə kumə, Zuzdə çəmə qırdo şəğol, Boy şinə bo,boy bə məhol. Pə de ləvo pıydə həni, Qəvış sıxan oqətdəni, Boy bıvind əy,çənə di ni, Ha ruj doydə tıni sıvol, Boy şınə bo,boy bə məhol. Qıy bə kule,şinə hovə, Kardedəni həni bovə, Bə xıdo kardedə lovə, Dılış bedə ha ruj behol, Boy şinə bo,boy bə məhol. Çənə həsrət bəkəşemon, Bənə şəmi bəvəşemon, Kenə sədo bəməsemon, Bıyəm beşə bə diy qəvol, Boy şinə bo,boy bə məhol. Dəro bıqın,məmand həni, Boy bıvind ıştə vətəni, Bınəv vılvoni,çiməni, Əməniən bıkə şo hol, Boy şinə bo,boy bə məhol.