VƏNƏŞƏ

Ti nav əvəsoti beşdəj bə kəfşən, Tı çı əvəsori çaşij, vənəşə. Vindyədə tıni şo bedə həmə, Tı çoknə bə dılon dəşij, vənəşə?! Iştıku reç səydə çəmə məholon, Ziyarət kardedə tıni səvılon. Botı orzu bəba boği bılbılon, Boğçədə səvılon bəşij, vənəşə. Tı beşyədə yodo beşdə ğussə-dard, Ociz bedə ıştı vədə barzə band. Im kəfşənon ğıymət bədon bətı, çand? Bı bandədə beğıymətij, vənəşə. Bo Əvəzi rujon tokiy şəvisə, Poymol bedə qıləy kəmon bəvisə. Noydon bışu, beşi əçəy ğəvisə, Tı çı ruşnə dınyo həşij, vənəşə.