ÇIMI DODO “HALAY”ƏDƏ DƏP JƏYDƏ
“Əmon, nənə, zolım nənə, yo nənə”,
Əğıləti tı bə çımı yod dənə.
Ə rujon ki, “Otəş sənə, tən-tənə”
In xatiron dəvardonku qəp jəydə,
Çımı dodo “Halay”ədə dəp jəydə...
Konco mande “Tomon mahast, bıqard boy”?
Şin ə rujon, mamand həni, oqard boy,
Bıməs mıni: Lik, Ərdəbil, Nəmin, Xoy...
Bılbıl məsdə ın handəyon səf jəydə,
Çımı dodo “Halay”ədə dəp jəydə...
Fuentes
Antología de poesía talysh (2021), 208. ISBN 978-9952-28-569-7.