BEDƏNİ

Bətı aşığ beku ım dıl hiçi rohət bedəni, Jəydəni mijə çəşon bo hıte holət bedəni. Ənədə noz nıbəka yo bə yo hiç vədə bızın, Ov bə şom bə dılədə, tağəto-ğıvvət bedəni. Ujənən maştəvo az bəştı nəvə boğ dəşəbim, Be tı çə havzə boği husni tərovət bedəni. Pər okardə pəredə qırdo vıli de həvəsi, Vıli ətrış nıbo hiç bılbıli tağət bedəni. Kinəlim boy dıli vironəvo-ğəmxonə məkə, Xo bə vironədə hiç xonə səlomət bedəni. Iştı nozən xose, dardən şine, mardəm botıro, Iştı həsrət təvəne, bəy petove ğət bedəni. Əli Nasir hələ çəy kardə bomeş tı i ruji, Piyə yo noz bedə bo yari, ədovət bedəni.