ÇƏMƏ VƏTƏN VE ĞƏŞƏNQE
Dınyodə ve kişvər heste,
Ha kişvər bə qıləy ranqe.
Xıdo ıvrəş vəyşt ofayə,
Çəmə Vətən ve ğəşənqe.
Barzə bandon kavuyə həmon,
Honi ovon dardi damon.
Boy bə ivrə bovıtəmon:
Çəmə Vətən ve ğəşənqe.
İ tərəfış kavuyə dıyo,
Təbiətış xosə vəvu.
Çiçı pidə heste iyo,
Çəmə Vətən ve ğəşənqe.
Çəy ğədi boy bızınəmon,
Zəlil bıbu bıdə dışmen.
Çəy nıpiyon bəben pəşmon,
Çəmə Vətən ve ğəşənqe.
Fuentes
Antología de poesía talysh (2021), 212. ISBN 978-9952-28-569-7.