BANDİ ZOƏ

Kenə beşdəm bə vıjor, Tıni nəvdə çımı çəş. Mikiku tı bə Pensə Haftəvıjor xəş oməş. Tolışi bandon vılon, Ətrə bu vardə dıştə- Vənəşə vardə dıştə, Lap manbu vardə dıştə. Nomən qıləy nome ha - Kəli zoə kəl Şəhriyar! Diəkən çı curə avlod, Perosnedə ım diyor. Joğbızın bani kuku Omə bə həmo bılbıl Ruşnə sifət, sırə diən, Şinə zıvon, namə dıl. Hiç zındənim çiç votdəm, Imən sıxane, qəpe? Anqivin qətəkəsoi, Bəqəm zıvon tel bəbe?! Əhəd, can sore zındəş Im şimolə cəvoni! Çəy anqivini oso, Bı dınyodə dəvo ni!..