HA DODO, TI BƏ KOVRƏ ŞEŞ

Mardim nəve-nəve botı, Ha dodo, tı bə kovrə şeş? Dıləm təve, təve botı, Ha dodo, tı bə kovrə şeş? Nəvəym kə-bə, nəvəym so-bə, Betı çımı dılən ğo bə. Pot oməqət, mıni bıbə, Ha dodo, tı bə kovrə şeş? Dılı hejo dəjəy bomı, Ve əzobon kəşəy bomı, Oxnə lolo nıjəy bomı, Ha dodo, tı bə kovrə şeş? Yarə səpe yarə qıne, Pəydo nıbe çarə, qıne. Oxoydə bə vırə qıne, Ha dodo, tı bə kovrə şeş? Hejo voteş: dodo ğıbon, Tıni bıdə Xıdo ğıbon, Bəştı şinə sədo ğıbon, Ha dodo, tı bə kovrə şeş? Fələki rə bardışe tı, Zəmini ebardışe tı, Oxo ki vanq kardışe tı, Ha dodo, tı bə kovrə şeş?