BƏ ƏLİ NASİRİ ĞƏZƏLİ TƏZMİN

«Bıbo vironə məhol, dıl çə dılo co əbıni, Bıbo şoy-voy şəvı ruj, dıl betı hiç şo əbıni.» Eşği roon zınedəm az bənə bə dasti dılə, Ğeys, Fərhod, Kərəm hiç bəmı həmpo əbıni. Bıməsən ım sıxani, eşğe çı dınyo bınəcəğ, Əve dınyo oqətə, əv nıbu, dınyo əbıni. Noəşe çərxi çımı qıysə əçəy həsrəti bo, Bı cəhondə bənə bəy qon həni hiç bo əbıni. Tı ki şiş, çəyko jıqo du eqınim şoy-voyko, Betı dınyoədə şoy-voy bəmı həmro əbıni. Məkə anəndə şikoyət ğəmiko, ha Ərzi, Bo vısoli rəse çəyko bə kəno ro əbıni.