ĞƏZƏLON

Ey dıl, vəse anəndə, dəbast eşği kitobi, Iştə bıroxın bəyku, məkəş hicri əzobi. Im məzlumı, zolım, tı bə hicronı eğande, Məhşər bomə, çoknəş bədo çın zulmi cəvobi?! Dıldo, bıkə du, boy, dıliku ım ğəmi, dardi, Ğısmət bəbe cənnət bətı, vallah, dı səvobi. Dın zulminə çanəndə jəye yarə bı ğəlbi, Anəndə ve əv, hiç zınənim az çəy hisobi. Azər, çımı ğəm yole jıqo, bəyro ni həmto, Vindəmni mı hiç to bə ısət çın ğəmi bobi.