RUJ DODƏNİŞ

Duston xəbə ni, deşmenon Okardeyo çəş dodəniş. Dılədəm tama ni, Xıdo, Çəşi puri ruj dodəniş. Odəm ni dəy dard bıvotom, Peşo bımardom, bıhıtom. Dıvo kardəm bətı, Xıdom, Osmon, bəmı quş dodəniş. Zəmini nun kulə şedə, Bə osmoni nolə şedə, Merdon qılə-qılə şedə, Bəyo pərvəriş dodəniş? Odəmon dıvo kardənin, Əloc ni, dəvo kardənin. Çiç votdəm bıvo kardənin, Zıvonı doə, riş dodəniş.