HA ƏĞILON, ƏĞILON

Ha əğılon, əğılon, Çəmə şəkə, noğolon. Şımə həmmə nozəyon, Çı sufrə qıyozəyon. Bəyəndı bo-hovəyon, Zəmini ostovəyon. Çe ğəşənqe ın kinon, Vılə çanqe ın kinon. Iştə səyon randedən, Bını kijə handedən. Vıli səpe vıl beşə Bə təmşo bılbıl beşə. Omutənən hisobi, Bahandənən kitobi. Ve ğədime ın vətən. Çəmə bobon iqid bən. Əvon Həzi, Babəkin, Çəmə çəşi bəbəkin. Çe ko kardon, xos bıkən, Xəlği nomi ros bıkən.