ÇƏMƏ BANDON

Iyəndısən barze, duze, Bənə şoni çəmə bandon. Doon kandulə kandımuze, Həmə şone çəmə bandon. Çe Babəki ğələ iyoe, Ğələbıne,Ğələsəye, Bəlləbure, çand hu bəye, Çəy nışone çəmə bandon. Honi votdən bəştı çəşon, Bəçəy asti ərəsni şon. Iştı tono, ha bıvoton, Vəşt vone, çəmə bandon. Va ıştı səy kələğəye, Kavyə vişə ıştı şəye. Dovnə vıle, roy bın çaye, Ru kəşone, çəmə bandon. Pəvəndiş çı əvəsoron, Vardə botı kavyə nişon, Bəştı vəyo omə kijon, Handən mahne, çəmə bandon. Ə zəmin ki, çəmə heste, Dastəxone, bəmə vəste, Çayə kulon həmiə daste, Çəvon cone, çəmə bandon.