BOMIRO
Helış kay sahat çoədə,
Vindəme əv çəy soədə,
Çı məhəbbəti roədə,
Ço nınoşe pard bomıro?
Dıl vəş qətə nat bedəbe,
Otəşış seğat bedəbe,
Əncəx, dəynə tat bedəbe,
Zımıstoni sard bomıro.
Ve votıme şıl-kutə bəbeş,
Tı beçımı sutə bəbeş,
Dard bəkəşeş, mutə bəbeş,
Qemıj bəva dard bomıro.
Yəğın ağlış nıbe sədə,
Yodoş beka nohəxədə,
Bı bebəfo dınyoədə,
Bəvoş nıbe, mard bomıro.
Sources
Anthology of Talysh poetry (2021), 397. ISBN 978-9952-28-569-7.