DINYO

Bo tifili tifil bedə, Bo cohuli cohul bedə. Bo ohuli ohul bedə. Məvot tojəy, kanəy dınyo. Suleymani əhdış karde, Lığmoni ve cəhdış karde, Ve əjdəhon məhfış karde, Qıləy sırri donəy dınyo. Vəfodori heste vəfo, Səfokəsi bədo səfo, Bə kosibi doydə cəfo, Dardı-ğəmi lonəy dınyo. Şəv-ruj botı umundə tor, Bəd omedə sorisə sor. Zolış jidə bə qurzə, mor. Votdən hıtə, handəy dınyo. Oməkəson şən, mandəni, Nənon jəqo zoə zandəni. Zumande, ve dəmandəni, Bardə, vardə, vonəy dınyo! Yolə kəy ım, kuçə-kuçə. Nodon nənə, mənoş çiçe? Bebəfoy əv, oxoyş hiçe, Sə perandə şonəy dınyo! Hənək əkon konəy dınyo!