ĞIYOMƏTİ ƏLOMƏTE...

Şəyton bə dıl rəğ ğandedə, Şaton rostiku handedə, Çı islomi nom mandedə, Əməli yurd xərobəte, Ğıyoməti əloməte. Çiçon vində dınyo həni, Ləkə qınyə bəçəy şəni, Merd de merdi, jen de jeni... Məvot ımon zərofəte, Ğıyoməti əloməte. Bəd bə çoki doydəni ro, Rostə sıxan şedəni ro, Bə həxi kə bedəni ro, Kələkboz be çəy adəte? Ğıyoməti əloməte. Bə rostvojon cındo votdən, Həxiku, rostiku vitdən, Bə dışmeni sırr həvatdən, Həxi vote cinoyəte, Ğıyoməti əloməte. Ğıron penton rəfonədəy... Bo rəvoşi səşe qətə, Əncəx ərəğ mizi sədə, Odəm bı koy, vallah, mote, Ğıyoməti əloməte. Iştə nəfsi qule veyni, Ki puline, yole veyni, Vədəki roon çole veyni, Bəs çiçimon əmonəte?! Ğıyoməti əloməte!