ÇIMI PƏ DASTİ RİZ MANDƏ KƏYBƏDƏ

Çəmə tənu cobe, çəmə kiyə co, Əvon esə bəmə mandən diyəro. Sio-sioy doydə çəmə kiyəco Şəvı-ruj bə çaşe çımı moə roy. Çəmə kanə kəco mandə diədə, Aləfon dılədə gin bə honi ro. Pərdən kumə kijon çəmə hiədə Əvonən nəvedən boşdə doniro. Rujon omən nışdən manqon vırədə Soron qədə-qədə ıştə koədən. Kəvşəni kafteon kaqon vırədə Zəmini otrındən çəmə soədə. Çımı fik-fam mandə kanə kəy vədə Bəçəmə kanə kəy hiç kə ərəsni. Çımı pə dasti riz mandə kəybədə Çan vaxte ə kəybə okardəkəs ni.