DILIM PUR BE, EMƏY ÇIMI ÇAŞONO

Jıqo bızın, siyən çımı kəş-poron, Bənə kijə həni pəre zındənim. Çune barde, biyə çımı kəş-poron, Pəre çoknəy, çı təhəre zındənim. Çı diyəni zobitəj ni, zəhmıj ni, Bedə zıne, insofıj ni, rəhmıj ni. In hard-bırəğ kiye patə, təmıj ni, Əv şiniye, əv zəhəre zındənim. Çoki kardəj, jiyedəj bo vəyştiro, Tınım piəy, mınən oməym bəştı ro, Ostoro ro,Təbrizi ro, Rəşti ro Xəyolədəm kon şəhəre, zındənim. Yolon sıxan nışe çımı quşono , Angivinım co nıkarde çı şono. Dılım pur be, eməy çımı çaşono, Im şoy-şoye, ım ğəhəre zındənim.