IN DINYO

Gah sırvondə, gah ekardə çəşə as, Çolış nığıl, rəsdəni bəy çəmə das, Tonış vəyə, tonış şoy-vo, tonış yas, Çan dimiş hıs, çı çoğole ın dınyo? Iştə bəyon nio bəkarde, hiç bəka, Dıli orzuon bə i dəğə puç bəka. Rəsəyon ne, ənərəson kuç bəkan, Vey xəbise, vey pəxıle ın dınyo. Gah əməni hıtvondə bə han dodə, Gah suk bedə sukəhano handedə. Çı bıznəmon çəxış konco mandedə, Sır ədəni, vey nığıle ın dınyo. Votdəm, çəxış peqardo çı fələki, Coni seədə çəxo bəno kıləki, Bı hənəkdə dınyo ıştən qılə ki, Qıley sehrinə nəğıle ın dınyo.